आफैंले पालेको दुर्लभ चराले मालिकको लियो ज्यान

13

एजेन्सी / दुबै खुट्टामा लामा पंजा भएका क्यासोवारी नामको एउटा ठूलो चराको आक्रमणमा परी चराका मालिकको अमेरिकाको फ्लोरिडास्थित घरमा मृत्यु भएको छ ।

चराका मालिक ७५ वर्षे मार्भिन हाजोसले शुक्रबार स्थानीय समयानुसार बिहान १० बजे ९११ मा आफैंले फोन गरेको स्रोतले बताएको छ । दोस्रो फोन घटनास्थलमा रहेका अर्का व्यक्तिले गरेको बताएको छ । उनले चराको आक्रमणमा परी एक व्यक्ति घाइते भएकाले शीघ्र सहयोगको माग गरेको अलाचुवा काउन्टी सेरिफ अफिसका लेफ्टीनेन्ट जोसुवा क्रुले बताए ।हाजोसलाई तत्काल अस्पताल पुर्याएको जहाँ उनको मृत्यु भएको लेफ्टीनेन्टले बताए । ‘हाजोसले दुर्लभ चराको प्रजनन गराउँथे,’ अलाचुवा काउन्टी डेप्युटी फायर चिफ जेफ टेलरले भने । ‘उनको मृत्यु एक दुर्घटना थियो,’ अधिकारीले भने ।

‘घटना हेर्दा यस्तो लाग्छ कि ती व्यक्ति खसे र क्यासोवारीले आफ्नो अगाडि अचानक मानिस देखेपछि हमला गरेको जस्तो देखिन्छ,’ टेलरले बताए ।

LEAVE A REPLY

Please enter your comment!
Please enter your name here